Dişi ağırdığı üçün millinin heyətindən çıxarıldı

 "Real"ın futbolçusu Kazemiro Braziliya millisinin heyətindən çıxarılıb.

Corner.az federasiyanın rəsmi saytına istinadən xəbər verir ki, 29 yaşlı yarımmüdafiəçi diş ağrısına görə yığmanın qarşıdakı oyunlarında çıxış etməyəcək. Kazemironun ağıl dişində iltihab əmələ gəldiyi səbəbindən qarşıdakı 5 gündə məşqlərə də qoşula bilməyəcək.

Kazemironun əvəzinə komandaya İngiltərənin "Aston Villa" klubunun futbolçusu Duqlas Luis dəvət olunub.

Qeyd edək ki, Braziliya millisi 2022-ci il dünya çempionatının seçmə mərhələsində oktyabrın 11-də Kolumbiyanın qonağı olacaq, 4 gün sonra isə Uruqvayı qəbul edəcək.