Yaxşı oynasanız, hamı sizi tərifləyəcək - Emin Mahmudov

"Millidə nəticə vermək üçün yaxşı oynamaq lazımdır. Yığmada məsuliyyət daha çoxdur. Bu barədə danışmaq bir az çətindir. Sadəcə, meydana çıxıb ən yaxşısını etməlisən. Alınsa, hamı sizi tərifləyəcək. Çünki Mahir Emreli kimi oyunçu bizi Polşada çox yaxşı təmsil edir. Görürlər ki, bizdən də yaxşı futbolçular çıxır. Mahirin millidə də yaxşı çıxış edəcəyinə inanıram. Sadəcə, vaxt lazımdır".

Corner.az-ın məlumatına görə, futbol üzrə Azərbaycan millisinin futbolçusu Emin Mahmudov Bakıda İrlandiya millisinə qarşı keçirəcəkləri 2022-ci il dünya çempionatının seçmə oyunundan öncə mətbuat konfransında deyib.

Qeyd edək ki, oktyabrın 30-da Bakı Olimpiya Stadionunda oynanılacaq Azərbaycan - İrlandiya görüşü saat 20:00-da başlayacaq.