Belə nəticələr tez-tez olmur - Kenni

İrlandiya yığmasının baş məşqçisi Stiven Kenni DÇ-2022-nin seçmə mərhələsi çərçivəsində Azərbaycan millisinə qarşı keçirdikləri oyunu şərh edib.

Corner.a, xəbər verir ki, o, 3:0 hesabı ilə qalib gəldikləri oyundan sonra baş tutan mətbuat konfransında bunları söyləyib:

“Bu gün qələbə qazanmaq önəmli idi. Seçmə mərhələdə belə nəticələr tez-tez olmur. Azərbaycan çox təhlükəli rəqibdir. Amma səfərdə bu hesabla qalib gəlmək çox gözəldir. Rəqib ikinci hissədə topa sahib olsa da, yüz faizlik qol epizodları yarada bilmədi. İlk hissədə vurduğumuz iki qol vəziyyətimizi yaxşılaşdırdı. İkinci yarıda çox ağıllı oynadıq. Üçüncü qolu daha tez vura bilərdik. Amma sonuncu dəqiqədə gəldi. Komandada inkişaf gedir. Hazırda əlimizdəki oyunçulara uyğun futbol nümayiş etdiririk. Bunun məntiqi nəticəsi kimi, bu gün əla oynadıq və qələbə qazandıq.

Maçtdan öncə 3:0 hesablı qələbə qazanacağımızı desəydilər, inanmazdıq. Möhtəşəm oyun oldu. Nəticəyə görə xoşbəxtik. Azərbaycanla ev matçından sonra tənqidə məruz qalmışdıq. Amma son üç görüşdə öz oyunumuzu tapdıq”.