Ronaldo'dan tarixi göstərici

Portuqaliya milli komandası yoxlama matçında Qətərə qalib gəlib – 3:0.

Corner.az xəbər verir ki, sözügedən oyunda qol vuran 36 yaşlı hücumçu bir neçə uğura imza atıb.

Belə ki, portuqaliyalı futbolçu yığmada vurduğu qolların sayını 112-yə çatdırıb. O, bu göstəricidə dünya rekordunu yeniləyib. Bundan başqa, Ronaldo futbol tarixində 46 fərqli milliyə qol vuran ilk oyunçu ünvanına sahib olub.

Qətərlə matç Ronaldonun Portuqaliya yığmasındakı 181-ci oyunu olub. 36 yaşlı hücumçu Avropa zonasında milliylə ən çox oyun keçirən futbolçu olub. Bundan əvvəl bu rekord ispan müdafiəçi Serxio Ramosa aid idi.