Türkiyə millisində ciddi itki

Türkiyə millisi DÇ-2022-nin seçmə mərhələsi çərçivəsində Cəbəllütariq və Monteneqro yığmalarına qarşı keçiriləcək oyunlardan əvvəl ciddi itki ilə üzləşib.

Corner.az xəbər verir ki, yarımmüdafiəçi Cengiz Ünder bu oyunlarda komandasına kömək edə bilməyəcək.

Buna səbəb 24 yaşlı futbolçunun zədələnməsi olub. Bu barədə Türkiyə Futbol Federasiyasının mətbuat xidməti məlumat yayıb. Zədəsi ciddi olan Cengiz heyətdən çıxarılıb. Məşqçilər korpusu Cengizin əvəzində yığmaya “Qalatasaray”dan Barış Alper Yılmazı dəvət edib.

Cengiz Ündər hazırda Fransanın “Olimpik” (Marsel) komandasında çıxış edir.