Azərbaycan evdə yaxşı çıxış edir

"2 il öncəki oyunla indikini müqayisə etmək çətindir".

Corner.az-ın məlumatına görə, bunu Lüksemburq millisinin kapitanı Loran Yans Bakıda Azərbaycan millisinə qarşı keçirəcəkləri 2022-ci il dünya çempionatının seçmə oyunundan öncə mətbuat konfransında deyib.

29 yaşlı futbolçu qrupun ilk matçında nisbətən bərabər oyunun getdiyini vurğulayıb: "Amma biz qələbəyə daha layiq idik. Sabah da bunun üçün oynayacağıq. Rəqib evdə yaxşı çıxış edir. Lakin hədəfimiz 3 xaldır".

Qeyd edək ki, noyabrın 11-də Bakı Olimpiya Stadionunda oynanılacaq Azərbaycan - Lüksemburq matçı saat 21:00-da başlayacaq.