Mahir Emreli: İnanıram ki, sabah qol tilsimini qıracağam

"Zəfər Günü münasibətilə xalqımızı təbrik edirəm".

Corner.az-ın məlumatına görə, bu fikirləri Azərbaycan millisinin futbolçusu Mahir Emreli Bakıda Lüksemburqa qarşı keçirəcəkləri 2022-ci il dünya çempionatının seçmə oyunundan öncə mətbuat konfransında deyib.

24 yaşlı hücumçu yığmada uzun müddət qol vurmamağı onu narahat etdiyini bildirib: "Amma bu, mənim istəyimdən asılı deyil. Bunu hamıdan çox özüm gözləyirəm. İnanıram ki, sabah tilsimi qıracağam".

Qeyd edək ki, noyabrın 11-də Bakı Olimpiya Stadionunda oynanılacaq Azərbaycan - Lüksemburq matçı saat 21:00-da başlayacaq.