Premyer Liqamızın bombardiri millidə debüt etdi

"Zirə" klubunun futbolçusu Davit Volkov Gürcüstan millisinin heyətində debüt edib.

Corner.az-ın məlumatına görə, 26 yaşlı hücumçu Tbilisidə İsveç yığmasına qarşı 2022-ci il dünya çempionatının seçmə oyununda meydana çıxıb. Görüşə ehtiyatda başlayan Volkov 70-ci dəqiqədə Tornike Okriaşvilinin əvəzinə meydana daxil olub.

Oyun Gürcüstan millisinin qələbəsi ilə başa çatıb - 2:0. Qolları Azərbaycan yığmasının sabiq futbolçusu Badri Kvaratsxeliyanın oğlu Xviça Kvaratsxeliya 61-ci və 77-ci dəqiqələrdə vurub.

Qeyd edək ki, Davit Volkov hazırda 8 qolla Azərbaycan Premyer Liqasının bombardiridir