- Dünya çempionatı
- 15:25 18.10.2024
"Bizim üçün Avropa zonasının seçmə mərhələsində oynamaq əla təcrübədir. Top komandalarla qarşılaşdıq. Oyunlarımız asan olmadı. Əsas məqsəd mundiala yaxşı vəziyyətdə getməkdir. Sabahkı matçdan da yararlanmaq istəyirik".
Corner.az-ın məlumatına görə, bu fikirləri Qətər yığmasının baş məşqçisi Feliks Sançes Azərbaycan millisinə qarşı keçirəcəkləri yoldaşlıq oyunundan əvvəl mətbuat konfransında deyib.
45 yaşlı mütəxəssis hər oyuna rəsmi qarşılaşma kimi baxdıqlarını söyləyib: "Azərbaycanla qarşılaşmada yaxşı oyun göstərmək və nəticə qazanmaq istəyirik. Martda Macarıstandakı görüşə qələbə üçün çıxmışdıq, sabah da fərqli olmayacaq".
Sançes heyətdə bəzi dəyişikliklərin olacağı sözlərini də əlavə edib: "Bu gün son məşqimizə çıxacağıq. Hazırlıq prosesindən sonra heyəti quracağıq".
Qeyd edək ki, noyabrın 14-də Bakı Olimpiya Stadionunda keçiriləcək Azərbaycan - Qətər matçı saat 21:00-da başlayacaq.