Mən də rəqib qapısına qol vura bildim - Merih Demiral

Türkiyə millisinin futbolçusu Merih Demiral DÇ-2022-nin seçmə mərhələsində Cəbəllütariqi məğlub etdikləri oyundan sonra (6:0) fikirlərini bildirib.

Corner.az xəbər verir ki, 23 yaşlı müdafiəçi, turnirin əsas mərhələsinə vəsiqə qazanacaqlarına inandığını deyib:

“Çox xoşbəxtik. Mən də rəqib qapısına qol vura bildim, Norveç də Latviya ilə heç-heçə etdi. Dünya çempionatına gedəcəyimizə inanırıq.

Bütün düşüncəmiz qol vurmaq idi. Rəqib azlıqda qalandan sonra daha rahat oynadıq. İnşaAllah, Dünya çempionatına gedəcəyik. Layiqli bir qələbə qazandıq. Qrupu ən yaxşı şəkildə bitirib, inşAllah, dünya çempionatına gedəcəyik”.

Türkiyə yığması G qrupunda 18 xalla 2-ci sıradadır.