FIFA Beyl üçün Real'a ödəniş edəcək

İspaniyanın "Real Madrid" klubu FIFA-dan əlavə ödəniş alacaq.

Corner.az "Marca"ya istinadən xəbər verir ki, buna səbəb Madrid təmsilçisinin futbolçusu Qaret Beylin Uels millisinin düşərgəsində zədələnməsi olub.

Ali futbol qurumunun 2019-cu ildəki qərarına əsasən, oyunçular yığmanın heyətində zədələnərsə, klublara təzminat veriləcək.

FIFA 32 yaşlı hücumçu 28 gündən çox "kral klubu"nun heyətində olmayacağı təqdirdə 25,5 min avro ödəməli olacaq.

Qeyd edək ki, Qaret Beyl Belarusa 5:1 hesabı ilə qalib gəldikləri 2022-ci il dünya çempionatının seçmə oyununda sıradan çıxıb. Forvard ən azı 2-3 həftə yaşıl meydanlardan kənarda qalacaq.