Bu sual Avropadan gedən bir avropalı futbolçuya verilərmi?

"Ayaks”ın futbolçusu Sebastyan Haller Afrika Millətlər kubokunda iştirak edib-etməyəcəyi ilə bağlı açıqlama verib.

Corner.az “Telegraaf” nəşrinə istinadən xəbər verir ki, 27 yaşlı hücumçu, “Afrika Millətlər kubokuna gedəcəksizmi” sualına belə cavab verib:

“Klubda qalmağı, yoxsa Afrika Millətlər kubokuna getməyi seçərdim? Bu sualı verməyiniz Afrikaya qarşı necə hörmətsizlik etdiyinizi göstərir. Bu sual Avropadan gedən bir avropalı futbolçuya verilərmi? Əlbəttə, Afrika Millətlər kubokuna gedəcəm”.

 Fil Dişi Sahili milli komandasının üzvü bu mövsüm “Ayaks”la 24 oyunda 22 qol vurub.