DÇ-2022: Messi seçmə mərhələ oyunlarını buraxa bilər

Argentina millisinin futbolçusu Lionel Messi 2022-ci il dünya çempionatının iki seçmə oyununu buraxa bilər.

Corner.az "Tyc Sports"a istinadən xəbər verir ki, komandanın baş məşqçisi Lionel Skaloni yanvarın 2-də koronavirusa yoluxmuş 34 yaşlı hücumçunu Çili və Kolumbiya ilə görüşdə meydana buraxmaq istəmir.

43 yaşlı mütəxəssis Messiyə istirahət vermək istəyir. Messinin isə görüşlərlə bağlı qərarını günlərdə baş məşqçiyə bildirəcəyi vurğulanıb.

Qeyd edək ki, yanvarın 28-də Çilinin qonağı olacaq Argentina millisi fevralın 2-də Kolumbiyanı qəbul edəcək. Lionel Messinin komandası DÇ-2022-yə vəsiqəni vaxtından əvvəl təmin edib.