İsveç milli komandasının və “Milan”ın futbolçusu Zlatan İbrahimoviç DÇ-2022-nin pley-off mərhələsinin oyunlarını buraxa bilər. Corner.az xəbər verir ki, A Seriyasının 23-cü turunun “Yuventus”la oyununda zədələnən 41 yaşlı hücumçunun zədəsi ciddidir.
Bu barədə “La Gazetta dello Sport” nəşri məlumat yayıb. Məlumatda, İbrahimoviçin zədə səbəbindən DÇ-2022-nin matçlarını buraxa biləcəyi vurğulanıb.
İsveç yığması mundialın bu mərhələsində Çexiya millisi ilə üz-üzə gələcək. Matç martın 24-da oynanılacaq.