FİFA DÇ-2022-nin oyunları üçün bilet satışının ilk dövründə edilən müraciətlərin sayını açıqlayıb. Corner.az qurumun saytına istinadən xəbər verir ki, Qətərdə keçiriləcək mundiala bilet üçün 17 milyondan çox azarkeş müraciət edib. Bu ilin dekabrının 18-də keçiriləcək final matçı üçün isə 1,8 milyon sorğu gəlib.
DÇ-2022 üçün ilk bilet satışı dövrü yanvarın 19-da başlayıb və fevralın 8-də bitib. Bilet sahibləri FİFA-nın rəsmi saytında təsadüfi püşklə müəyyənləşəcək. Bilet satışının 2-ci dövrü apreldə başlayacaq.
DÇ-2022 noyabrın 21-dən dekabrın 18-nə qədər olacaq.
