Türkiyənin “Qalatasaray” klubunun və Çili yığmasının yarımmüdafiəçisi Erik Pulqarda koronavirus aşkarlanıb. Corner.az xəbər verir ki, bu barədə Çili Futbol Federasiyasının mətbuat xidməti məlumat yayıb.
Hazırda millinin düşərgəsində olan 28 yaşlı oyunçunun COVİD-19 testinin nəticəsinin pozitiv çıxdığı bildirilib. Bu səbəbdən onun martın 24-də baş tutacaq Braziliya ilə oyunu buraxacağı açıqlanıb. Futbolçunun evində karantinə alındığı və özünü yaxşı hiss etdiyi bildirilib.
“Qalatasaray” Erik Pulqarı bu qış İtaliyanın “Fiorentina” klubundan icarəyə götürüb. O, İstanbul təmsilçisində meydana çıxdığı 4 oyunda 138 dəqiqə oynayıb.
