Avropadan Qətərdəki dünya çempionatına gedəcək son 3 yığma finalda müəyyənləşəcək. Corner.az xəbər verir ki, Portuqaliya - Şimali Makedoniya və Polşa - İsveç millilərinin adı birinci komandaların meydanında həlledici oyuna çıxacaq.
Polşalılar Rusiyanın yarışdan çıxarılması ilə birbaşa finala yüksəlib. Şotlandiya - Ukrayna cütünün qalibi isə Uelslə qarşılaşacaq.Bu matç müharibə səbəbindən təxirə salınıb.
Təxirə salınan Şotlandiya - Ukrayna oyunu iyunda baş tutacaq. Ardınca qalib son vəsiqə üçün Uelslə final oynayacaq. Digər iki final isə martın 29-da reallaşacaq və Polşa - İsveç, eləcə də Portuqaliya - Şimali Makedoniya cütlərində qalib olanlar Qətərə bilet əldə edəcək.
