Üzərində Messinin şəkli olan stiker bu qiymətə satıldı

İtaliyanın "Panini" şirkətininin 2014-cü ildə Braziliyada keçirilmiş futbol üzrə dünya çempionatı üçün hazırladığı və üzərində Argentina millisinin hücumçusu Lionel Messinin şəkli olan stiker hərraca çıxarılıb.

Corner.az "Ole" nəşrinə istinadən xəbər verir ki, auksion onlayn formatda keçirilib və  522 000 ABŞ dollarına satılıb. Alıcının adı isə açıqlanmayıb. Şirkət 2013-cü ildə üzərində Messinin təsviri olan 10 stiker hazırlasa da, onlardan yalnız ikisi tapılıb.

Qeyd edək ki, "Panini" şirkəti dünya və Avropa çempionatları, həmçinin digər böyük turnirlər üçün ixtisaslaşmış məhsullar nəşr edir.