FIFA Ekvadoru dünya çempionatından kənarlaşdırır

FIFA iyunun 10-da Ekvador yığmasının 2022-ci il dünya çempionatından kənarlaşdırılması barədə qərarını açıqlaya bilər.

Corner.az-ın "TV Azteca"ya istinadən məlumatına görə, ali futbol qurumu artıq Ekvadorun DÇ-2022-də iştirak etməyəcəyi, onun yerinin isə Çiliyə verilməsi barədə qərar qəbul edib.

Daha əvvəl Çili millisinin vəkili Eduardo Karpetsonun, müdafiəçi Bayron Kastilyonun kolumbiyalı olduğu üçün Ekvador yığmasında oynaya bilməyəcəyinə dair sübutlara malik olduğu bildirilir. Vəkilin əldə etdiyi doğum haqqında şəhadətnamədə Kastilyonun Ekvadorda deyil, 1988-ci ildə Kolumbiyanın Tumako şəhərində doğulduğu göstərilib.

Bildirək ki, dünya çempionatı 21 noyabr - 18 dekabrda Qətərdə keçiriləcək.