Daha dörd ölkə DÇ-2030-a namizədliyini irəli sürdü

Uruqvay, Argentina, Çili və Paraqvay 2030-cu il dünya çempionatına birgə namizədliyini irəli sürüb.

Corner.az-ın KONMEBOL-un (Cənubi Amerika Futbol Konfederasiyası) rəsmi saytına istinadən məlumatına görə, 2017-ci ildə Uruqvay və Argentinanın başlatdığı kampaniyaya Çili və Paraqvay 2019-cu ildən qoşulub. 92 il əvvəl - Uruqvayda keçirilmiş DÇ-1930-un finalında təşkilatçı ölkə Argentina ilə üz-üzə gəlib və qələbə qazanıb - 4:2.

Qeyd edək ki, daha əvvəl İspaniya və Portuqaliya da DÇ-2030-a namizədliyini verib. İspaniyadan Madrid, Barselona, Sevilya, Malaqa, Bilbao, La Korunya, Xixon, Valensiya, Saraqosa, Las Palmas, Mursiya və San Sebastyan şəhərləri mundialın oyunlarını keçirmək istəklərini ifadə ediblər. İlk iki şəhər hərəyə iki stadion təklif edib. Ona görə də ölkə qarşısında çoxsaylı namizəddən 11-ni seçmək vəzifəsi durur. Portuqaliya isə 3 stadionla təmsil olunacaq. Onlardan 2-si Lissabonda, 1-i Portudadır.