Milli komanda baş məşqçisiz qaldı

Futbol üzrə Mərakeş yığmasının baş məşqçisi Vahid Halilhociç istefaya göndərilib.

Corner.az-ın məlumatına görə, 69 yaşlı mütəxəssislə müqaviləyə rəsmən federasiya prezidenti Fuzi Lakca Tanzaniyadan qayıtdıqdan sonra xitam veriləcək. Hazırda Lakcanın  Afrika Futbol Konfederasiyasının iclasında iştirak etdiyi bildirilir.

Mərakeş millisi bosniya və herseqovinalı çalışdırıcının rəhbərliyi altında 30 oyunun 20-dən qələbə, 7-dən heç-heçə, 3-dən məğlubiyyətlə ayrılıb. 70 yaşlı baş məşqçi əvvəllər Fransanın "Nant", PSJ, Türkiyənin "Trabzonspor" və Xorvatiyanın "Dinamo" (Zaqreb) komandalarında çalışıb. O, Əlcəzair, Yaponiya, Fil Dişi Sahili yığmalarına da rəhbərlik edib.

Qeyd edək ki, Vahid Halilhociç dörd fərqli ölkə yığmasına dünya çempionatlarına vəsiqə qazandırmış ilk baş məşqçidir.