İtaliya "Roma"sı və Niderland millisinin yarımmüdafiəçisi Corcinyo Veynaldum bu il Qətərdə keçiriləcək dünya çempionatını buraxacaq. Corner.az İtaliya mətbuatına istinadən xəbər verir ki, "canavarıar"da çıxış edən 32 yaşlı futbolçunun 2023-cü ilin əvvəlində yaşıl meydanlara qayıtması gözlənilir.
Məşqdə sağ ayağının baldır sümüyü sınan Veynaldum həkimlərlə məsləhətləşdikdən sonra əməliyyatdan imtina etmək qərarına gəlib. O, mundialın ardından klub mövsümü bərpa olunandan sonra sıraya dönəcək.
DÇ-2022 20 noyabr-18 dekabr aralığında keçiriləcək.
