“Vilyarreal”ın hücumçusu Jerar Moreno 2022-ci ildə Qətərdə keçiriləcək dünya çempionatını buraxa bilər. Corner.az xəbər verir ki, ispaniyalı futbolçu zədəsini sağaltmağa davam edir və İspaniya millisi ilə DÇ-2022-də çıxış etmək üçün artıq intensiv məşqlərə başlayıb.
30 yaşlı forvard sentyabrın 11-də, “Betis”lə oyunda (1:0) zədələnib. O, reabilitasiya zamanı yaranan fəsadlara görə oktyabrın sonuna kimi sağalacaq.
İspaniya millisinin dünya çempionatı üçün heyətinin noyabrın əvvəlində açıqlanacağı bildirilir.
2022-ci ildə Qətərdə keçiriləcək DÇ noyabrın 20-də başlayacaq.
