Milan'ın qapıçısı dünya çempionatını buraxa bilər

Fransa millisinin və İtaliya "Milan"ının qapıçısı Mik Menyan bu il Qətərdə keçiriləcək dünya çempionatını buraxa bilər.

 Corner.az "Sky Sport Italia" nəşrinə istinadən xəbər verir ki, 27 yaşlı qolkiper əvvəlki zədəsini yeniləyib.

Məşq zamanı baldırında ağrı hiss edən Menyan qeyri-müəyyən müddətə sıradan çıxıb. Təcrübəli oyunçunun yaşıl meydanlardan nə qədər kənar qalacağı tibbi müayinədən sonra müəyyənləşəcək.

Qeyd edək ki, DÇ-2022 noyabrın 20-dən dekabrın 18-dək təşkil olunacaq.

Fransa yığması Avstraliya, Danimarka və Tunis seçmələri ilə birlikdə H qrupunda mübarizə aparacaq.