Modriç üçün sonuncu turnir

PSJ-də çıxış edən Lionel Messidən sonra İspaniya "Real”ının futbolçusu Luka Modriç üçün də Qətərdə keçiriləcək dünya çempionatı sonuncu turnir olacaq.

Corner.az xəbər verir ki, “Globo”  37 yaşlı yarımmüdafiəçidən sitat gətirib:

“Mən artıq bilirəm ki, müəyyən yaşa çatmışam və DÇ-2022-i Xorvatiya millisi üçün son yarışımdır”.

Luka Modriç 2006-cı ilin martında milli komandada debüt edib. O, Xorvatiya millisində 154 oyunda 23 qol vurub və 24 məhsuldar ötürmə edib. Xorvatlar mundialda Mərakeş, Kanada və Belçika ilə eyni qrupda mübarizə aparacaq.

Qətərdəki dünya çempionatı noyabrın 18-dən dekabrın 20-dək keçiriləcək.