"Çelsi”nin müdafiəçisi Ris Ceyms Qətərdə keçiriləcək futbol üzrə dünya çempionatını buraxacaq. Corner.az Britaniya mətbuatına istinadən xəbər verir ki, buna səbəb 22 yaşlı futbolçunun UEFA Çempionlar Liqasında “Milan”la oyunda (2:0) dizindən zədələnməsi olub.
Baş məşqçi Qaret Sautqeytin Ceymsin sağlamlığını riskə atmamaq üçün bu qərarı verdiyi vurğulanıb.
Müdafiəçi bu mövsüm London klubunda 11 oyuna çıxıb, 2 qol vurub və 2 məhsuldar ötürmə edib.
