FİFA-nın keçmiş prezidenti Yozef Blatter İranın DÇ-2022-dən kənarlaşdırılmalı olduğunu açıqlayıb. Corner.az xəbər verir ki, 86 yaşlı keçmiş funksioner xarici mətbuata açıqlamasında məsələni belə şərh edib:
“İrana dünya çempionatında iştirak qadağan edilməlidir”.
Bildirək ki, sentyabr ayında İranda hicabı “səhv taxdığına” görə saxlanılan 22 yaşlı Məhsa Əmininin ölümündən sonra etirazlar baş verib.
DÇ-2022 noyabrın 20-dən dekabrın 18-dək Qətərdə keçiriləcək. İran millisi qrupda İngiltərə, Uels və ABŞ-la mübarizə aparacaq. İranlılar ilk oyununu noyabrın 21-də ingilislərə qarşı keçirəcək.
