Futbol üzrə Seneqal millisinin və Almaniyanın “Bavariya” klubunun hücumçusu Sadio Mane Qətərdə keçiriləcək dünya çempionatının ilk oyunlarında iştirak etməyəcək.
Corner.az xəbər verir ki, bu barədə Seneqal Futbol Federasiyasının nümayəndəsi Abdulay Sou xarici mətbuata açıqlamasında bildirib.
O, 30 yaşlı hücumçunun zədə səbəbindən qrup mərhələsinin 1-ci və 2-ci turunun matçlarını buraxacağını bildirib.
DÇ-2022 noyabrın 20-dən dekabrın 18-dək təşkil olunacaq. Seneqal yığması Niderland, Qətər və Ekvadorla birlikdə A qrupunda mübarizə aparacaq. Bu komandanın ilk oyunu noyabrın 21-də Niderlanda qarşı olacaqsa, növbəti matç ayın 25-də meydan sahibi Qətərlə görüş baş tutacaq.
