FİFA prezidenti Canni İnfantino noyabrın 20-də Qətərdə start götürəcək dünya çempionatından əvvəl mətbuat konfransında çıxış edib. Corner.az xəbər verir ki, 52 yaşlı funksioner Qətərin mundiala hazır olduğunu bildirib:
“Mən avropalıyam. Əxlaq dərsi vermək lazım deyil. Dünyada üç min il ərzində etdiklərimizə görə üzr istəməliyik. Mən Qətərdəki dünya çempionatını deyil, futbolu müdafiə edirəm”.
Noyabrın 20-də dünya çempionatı start götürəcək. Turnirin Qətərdə təşkili, insan haqlarının pozulması, əməkçi miqrantların aşağı maaş alması ciddi tənqidlərə məruz qalıb. İnfantino isə bu iddialarla razılaşmadığını söyləyib.
