Futbol üzrə Fransa yığmasının hücumçusu Kərim Benzema Qətərdə keçiriləcək dünya çempionatını buraxa bilər. Corner.az xəbər verir ki, buna 34 yaşlı hücumçunun bu gün baş tutan məşqdə zədə alması səbəb göstərilir.
RMC-nin məlumatına görə, əzələ zədəsi ilə üzləşən təcrübəli futbolçu məşqi yarıda buraxmalı olub. Benzemanın durumu ilə bağlı hələlik rəsmi açıqlama verilməyib. Lakin forvardın bu zədəyə görə mundialı kənardan izləmək məcburiyyətində qala biləcəyi gözlənilir.
Fransa yığması mundialda Danimarka, Tunis və Avstraliya ilə qarşılaşacaq. “Xoruzlar”ın ilk matçı noyabrın 22-də Avstraliya yığmasına qarşı olacaq.
