DÇ-2022: Dəfn şamları ilə düzəldilmiş toplar

Almaniyanın Şimali Reyn əyalətində rəssam Volker-Yohannes Trib və AWO təşkilatı Qətərdə keçirilən dünya çempionatına səssiz etiraz aksiyası keçirib.

Corner.az xəbər verir ki, Strunked qalasındakı stadionun qazonuna qumla doldurulmuş və üzərində “Sülh - vicdanınız yoxdur” sözləri yazılmış 6500 top qoyulub və stadionun tribunalarında 20 minə yaxın dəfn şamı yandırılıb.

“Dünya Kuboku minlərlə insanın həyatı bahasına başa gəldi. Onlarla qul kimi rəftar olunurdu və istidən, yorğunluqdan və ya ehtiyatsızlıqdan ölürdülər. FİFA və Qətər hökuməti cəsədlərin üstündən keçdi və bu, dünya çempionatının qeyd edilməsi zamanı diqqətdən yayınmamalıdır” – deyə, aksiyanın təşkilatçılarından biri olan rəssam Trib alman jurnalistlərə açıqlayıb.

Xatırladaq ki, 2022-ci il dünya çempionatı dünən start götürüb. Açılış matçında Qətər yığması Ekvadora məğlub olub – 0:2.