Qətərdə keçirilən dünya çempionatının açılış matçına 67372 tamaşaçı qatılıb. Corner.az xəbər verir ki, bu, rəsmi protokollarda qeydə alınan və stadionda diktorun elan etdiyi azarkeşlərin sayıdır.
Maraqlıdır ki, dünya çempionatının açılış oyununun keçirildiyi “Əl-Beyt” stadionun elan edilmiş tutumu 60 min tamaşaçıdır. Daha 7372 nəfərin stadiona necə yerləşdirildiyi məlum deyil.
Xatırladaq ki, dünən dünya çempionatının açılış matçı keçirilib və turnirin ev sahibi Qətər yığması Ekvadora uduzub.
