DÇ-2022: İngiltərəylə Niderlanddan qələbə, ABŞ və Uelsdən heç-heçə

Bu gün futbol üzrə dünya çempionatında daha 3 oyun keçirilib. Corner.az xəbər verir ki, günün ilk matçında B qrupunda İngiltərə İranla qarşılaşıb. 8 qolun qeydə alındığı bu oyunda britaniyalılar darmadağına sevinib.

A qrupunun ikinci matçında Niderland millisi Seneqalla üz-üzə gəlib. Bu qarşılaşmada da "narıncılar" qalib gələn tərəf olub. Bu qrupun və mundialın ilk görüşündə ev sahibi Qətər Ekvador millisinə 0:2 hesabı ilə uduzub.

Günün son matçında ABŞ millisi Uelslə münasibətlərinə aydınlıq gətirib. Tərəflər meydandan hərəyə 1 qol və 1 xalla ayrılıblar.

DÇ-2022
21 noyabr

A qrupu

Seneqal – Niderland 0:2
Qol: K.Qakpo, 84. D.Klaassen, 90+9.
Baş hakim: Uilton Sampayo (Braziliya)
“Al-Tumama” stadionu

Xal: Ekvador – 3, Niderland – 3, Seneqal – 0, Qətər – 0.

B qrupu

İngiltərə – İran 6:2
Qol: C.Bellingem, 35. B.Saka, 43; 62. R.Sterlinq, 45+1. M.Reşford, 71. C.Qriliş, 90 – M.Taremi, 65; 90+14-pen.
Baş hakim: Rafael Klaus (Braziliya)
“Xəlifə” stadionu

ABŞ – Uels 1:1
Qol: T.Vea, 36 - Q.Beyl, 82-pen.
Baş hakim: Əbdülrəhman Əl-Jassim (Qətər)
“Əhməd ibn Əli” stadionu.

Xal: İngiltərə - 3, ABŞ - 1, Uels - 1, İran - 0.