Dünya çempionatı çərçivəsində Qətərdə olan Qana millisinin futbolçuları bomba şübhəsi səbəbindən qaldıqları oteldən təxliyə ediliblər. Corner.az xəbər verir ki, Dohada Qana yığmasının məskunlaşdığı oteldə həyəcan siqnalı işə düşüb və bu səbəbdən bütün qonaqlar oteldən təcili çıxarılıblar.
Qətər Yanğınsöndürmə Xidmətinin ekipajı həyəcan siqnalına cavab vermək üçün qısa müddətə otelə gəlib.
Təxminən 45 dəqiqəlik yoxlamadan sonra hər şeyin təhlükəsiz olduğu və bütün sakinlərin otel otaqlarına qayıda biləcəyini qeyd edilib.
Bildirilir ki, bu işə iyləyici itlər cəlb olunub ki, bu da məlumatın yalan olduğunu yoxlamağa kömək edib.
