İtaliya millisinin qapıçısı Canluici Donnarumma DÇ-2022 haqqında danışıb. Corner.az “RAİ Sport”a istinadən xəbər verir ki, Fransa PSJ-sində çıxış edən qolkiper DÇ-2022 barədə bunları deyib:
“Dünya çempionatını kənardan izləmək çox çətindir. Buna hələ də kədərlənirik. Ancaq indi ağlamağın mənası yoxdur”.
23 yaşlı oyunçu İtaliya millisinin hazırki durumuna da toxunub:
“Neqativ enerjini müsbətə çevirməliyik. Əminəm ki, biz bunu edəcəyik. Çünki gənc oyunçulardan ibarət böyük komandamız, bu vəziyyətdən çıxmağı bacaracaq məşqçimiz var”.
İtaliya millisi pley-off mərhələsində Şimali Makedoniyaya məğlub olaraq (0:1), DÇ-2022-dən kənarda qalıb.
