3 ardıcıl DÇ-da bunu bacara bilmir - Polşa yığması

Futbol üzrə Polşa yığması 3 ardıcıl dünya çempionatında penaltidən yararlana bilməyən ilk komanda kimi tarixə düşüb.

Corner.az OPTA-ya istinadən xəbər verir ki, Avropa təmsilçisi antirekorda Qətərdə keçirilən mundialda Meksika ilə qolsuz heç-heçə etdikləri C qrupunun I tur matçında 11 metrlik cərimə zərbəsindən yararlana bilməməklə imza atıb.

58-ci dəqiqədə polşalıların kapitanı Robert Levandovskinin zərbəsini rəqib qapıçı Gilyermo Oçoa dəf edib. Bunadək isə 1978-ci ildəki dünya çempionatında Kazimej Deyna və 2002-ci ildəki mundialda Matsey Juravski eyni aqibəti yaşayıb.