Fransa millisinin DÇ-2022 çərçivəsində çıxdığı ilk oyunda - Avstraliya ilə matçda (4:1) zədələnən müdafiəçisi Lukas Hernandes əməliyyat olunub. Corner.az xəbər verir ki, 26 yaşlı futbolçu İnsbrukda dizindən əməliyyat edilib.
O, bərpa müddətini Münhendə keçirəcək. Lakin yaşıl meydanlara nə zaman dönəcəyi hələlik bəlli deyil.
Yeri gəlmişkən, “Bavariya" klubu franız oyunçunun müqaviləsinin müddətini uzatmaq niyyətindədir. “Bild”in iddiasına görə, tərəflər arasındakı ilkin danışıqlar müsbət yekunlaşıb. Münhen təmsilçisi DÇ-2022 başa çatdıqdan sonra Lukas ilə yeni sözləşmə imzalayacaq.
Hernandesin “Bavariya” ilə hazırkı müqaviləsi 2024-cü ilin yayınadək nəzərdə tutulub.
