İran məğlub edilməlidir

ABŞ yığmasının baş məşqçisi Qreq Berhalter dünya çempionatının II turunda İngiltərə ilə oyundan sonra fikirlərini açıqlayıb.

Corner.az xəbər verir ki, qolsuz bərabərliklə nəticələnən qarşılaşmadan razı qalan 49 yaşlı mütəxəssis son oyunda qələbə qazanmalı olduqlarını bildirib:

“Dünya Kubokunda hər oyunda qapını toxunulmaz saxlayırsansa, bu yaxşı göstəricidir. Ancaq mən ən azından qol görmək istəyirdim. Biz nəticə ilə fəxr edirik, lakin işimiz hələ bitməyib. Növbəti oyunda İran məğlub edilməlidir. Bilirik ki, pley-offa çıxmaq üçün beş xal kifayət edəcək, ona görə də diqqətimizi bu oyuna yönəltməliyik” – deyə, Berhalter söyləyib.