Qətərdəki dünya çempionatında ötən gün keçirilmiş Belçika - Mərakeş matçından öncə maraqlı hadisə yaşanıb. Corner.az xəbər verir ki, mərakeşli qapıçı Yassin Bunu start heyətdə meydana çıxsa da, bu oyunda bir dəqiqə də komandasına kömək edə bilməyib.
Buna səbəb 31 yaşlı qolkiperin matçın startı ərəfəsində özünü pis hiss etməsi və dərhal əvəzlənməsi səbəb olub. Halbuki Yassin komanda yoldaşları ilə meydana çıxaraq himni də oxuyub. Lakin elə həmin vaxt özünü pis hiss edən Yassin baş məşqçidən əvəzlənməsini istəyib. Hakimlər onun əvəzlənməsinə icazə verdikləri üçün bu, Mərakeş yığmasının əvəzetmə sayına da təsir göstərməyib. Onun əvəzində start heyətdə 33 yaşlı Munir Məhəmmədi çıxıb və komandasının 2:0 hesablı qələbəsində əsas pay sahiblərindən biri olub.
