Cənubi Koreya milli komandasının baş məşqçisi Paulo Bento Qətərdə keçirilən dünya çempionatının tarixinə düşüb. Corner.az xəbər verir ki, 53 yaşlı mütəxəssis cari mundialda qırmızı vərəqə alan ilk baş məşqçi olub.
Qana ilə matçın baş hakim Entoni Teylor son dəqiqələrdə Asiya təmsilçisinin künc zərbəsini yerinə yetirməsinə imkan verməyib. Meydana daxil olaraq referinin qərarına sərt etiraz edən portuqaliyalı çalışdırıcı birbaşa qırmızı vərəqə ilə cəzalandırılıb.
Görüş Cənubi Koreyanın 2:3 hesablı məğlubiyyəti ilə yekunlaşıb.
