İngiltərə millisi 16 ildən sonra bunu bacardı, Keyn isə ...

İngiltərə yığması 16 ildən sonra dünya çempionatının qrup mərhələsini lider kimi başa vurub.

Corner.az-ın məlumatına görə, Qaret Sautgeytin rəhbərlik etdiyi komanda buna Qətərdə keçirilən mundialda nail olub.

Milli son olaraq 2006-cı ildə bunu bacarıb. Britaniyalılar həmin vaxt 1/4 finalda Portuqaliyaya uduzmuşdu.

İngiltərəli hücumçu Harri Keyn 20 ildən sonra Devid Bekhemin nailiyyətini təkrarlayıb. 29 yaşlı futbolçu qrup mərhələsində 3 məhsuldar ötürmə ilə yadda qalıb. 2002-ci ildə Devid Bekhem üç assist etmişdi.

B qrupunu 7 xalla ilk sırada bitirən britaniyalılar 1/8 final mərhələsində Seneqalla üz-üzə gələcək.