“Sensasiyalı nəticələri və gözlənilməz heç-heçələri bir kənara qoysaq, dünya çempionatında ən çox güvəndiyim komanda İspaniya yığmasıdır”. Corner.az İtaliya mətbuatına istinadən xəbər verir ki, bunu Azərbaycan millisinin çalışdırıcısı Canni de Byazi DÇ-2022 barədə danışarkən deyib.
66 yaşlı mütəxəssis DÇ-2022-də sürpriz nəticələrin qeydə alınmasından məmnun olduğunu bildirib. İtaliyalı baş məşqçi, ispaniyalı həmkarı Luis Enrikenin titulu qazanmasını arzuladığını qeyd edib:
“Luis Enrike həyatın ondan aldıqlarından sonra bu turniri qazana bilsə, çox sevinərəm”.
Canni de Byazi İtaliya milli komandasının turnirdən kənarda qalmasına münasibət bildirib:
“İtaliya uğursuzdur. Avropa çempionluğunu qazanmış komandanın ardınca iki dünya çempionatından kənarda qalmasını düşünmək anormallıqdır”.
E qrupunda 4 xalla ikinci yerdə qərarlaşan İspaniya millisi pley-off mərhələsində Mərakeşlə qarşılaşacaq.
