Qətərdə keçirilən futbol üzrə dünya çempionatında faciə baş verib. Corner.az xəbər verir ki, Filippindən olan muzdlu işçi vəfat edib. Bu barədə “The Athletic” nəşri məlumat yayıb.
Məlumatda, filippinli şəxsin Səudiyyə Ərəbistanının milli komandasının məskunlaşdığı oteldə təmir işləri zamanı qəza nəticəsində vəfat etdiyi vurğulanıb. FİFA da bu xəbəri təsdiqləyib.
Qətər hökuməti araşdırmalara başlayıb. Təxminən 40 yaşlarında olan fəhlənin yük kranında çalışarkən yıxılaraq öldüyünü bildirilib. O, faciəvi hadisə zamanı təhlükəsizlik kəmərdən istifadə etməyib.
Dünya Kubokunun baş icraçı direktoru Nasser Al Khater, bu xəbəri təsdiqləsə də, hadisə ilə bağlı konkret məlumat vermədi və ailəsinə başsağlığı verərək "ölümün həyatın təbii bir hissəsi olduğunu" vurğulayıb.
