Futbol üzrə Braziliya yığmasının baş məşqçisi Tite istefa verib. Corner.az xəbər verir ki, 61 yaşlı mütəxəssis dünya çempionatının 1/4 finalında Xorvatiyaya uduzduqları oyundan sonrakı mətbuat konfransında vəzifəsindən ayrıldığını açıqlayıb:
“Braziliya yığmasındakı vəzifəmi başa vururam. Amma bunu hər hansı bir şeyə çevirməyə əsas yoxdur. Çünki bunu 1.5 il əvvəl söyləmişdim. Yerimə gələ biləcək möhtəşəm məşqçilər var”.
Xatırladaq ki, 1:1 hesabı ilə yekunlaşan oyunda Xorvatiyaya penaltilər seriyasında (2:4) məğlub olan Braziliya millisi DÇ-2022 ilə vidalaşıb.
