Niderland millisinin də baş məşqçisi istefa verdi

Dünya çempionatının 1/4 final mərhələsində Niderlandın Argentina milli komandasına uduzmasından sonra “narıncılar”ın baş məşqçisi Lui van Qal postundan ayrılacağını təsdiqləyib.

Corner.az TASS-a istinadən xəbər verir ki, bu barədə 71 yaşlı mütəxəssis jurnalistlərin suallarını cavablandırarkən danışıb.

“Mən Niderland yığmasının baş məşqçisi kimi işləməyi davam etdirməyəcəyəm, bu mənim sonuncu oyunum oldu, milli komandadakı fəaliyyətimin üçüncü dönəmi yekunlaşdı. Sonuncu gəlişdə komanda 20 matça çıxıb və birində də (əsas vaxtda) məğlub olmayıb.Komandamla fəxr edirəm, uşaqlar bütün güclərini verdilər. Bizim əzəmətli yenilməzlik seriyamız var, vurulmuş və buraxılmış topların əla fərqi var. Gözəl vaxtımız olub. İndi isə bu cür çıxmağımız inanılmazcasına üzücüdür”.