Neymar millidəki karyerasını başa vurur

Braziliya millisinin hücumçusu Neymar millidəki karyerasını başa vura bilər.

Corner.az "Fox Sports"a istinadən xəbər verir ki, 30 yaşlı hücumçu bu barədə Qətərdə keçirilən dünya çempionatında Xorvatiya yığmasına uduzduqları 1/4 final mərhələsinin oyunundan sonra açıqlamasında bildirib.

Fransa PSJ-sində çıxış edən forvard hazırda bu məsələ ilə bağlı danışmağın çətin olduğunu detub: "Bundan sonra nə olacağını bilmirəm. Heç nəyə zəmanət verə bilmərəm. Düşünmək üçün mənə bir az vaxt lazımdır. Braziliya millisi üçün qapını bağlamıram amma qayıtmaq istədiyimi əminliklə deyə bilmərəm".

Qeyd edək ki, "sambaçılar" Xorvatiyaya penaltilər seriyasına uduzaraq mübarizəni dayandırıb.