Rekordun sahibi artıq Uqo Lyoris

İngiltərənin "Tottenhem" klubunun qapıçısı Uqo Lyoris Fransa millisinin tarixinə düşüb.

Corner.Az xəbər verir ki, Qətərdəki dünya çempionatında İngiltərəyə qarşı 1/4 final matçında meydana çıxan 36 yaşlı qolkiper yığmanın heyətində ən çox görüş keçirən oyunçu olub.

143-cü dəfə millinin forması ilə çıxış edən kapitan Lilian Türama məxsus rekordu (142) yeniləyib.

O, həmçinin mundiallarda ən çox oyun keçirmiş Tyerri Anri ilə Fabyen Bartezi (17) də geridə qoyub - 18.

Qeyd edək ki, hazırda ilk hissəsi oynanılan qarşılaşmada Fransa millisi 1:0 hesabı ilə öndədir.