Dünya çempionatının finalında çıxış edəcək Fransa ilə oyuna hazırlaşan Argentinada Lionel Messi son məşqdə iştirak etməyib.
Corner.az İspaniya mətbuatına istinadənxəbər verir ki, Fransa PSJ-sində çıxış edən hücumçunun sol ayağında zədəsi var.
Xorvatiyaya 3:0 hesabı ilə qalib gəldikləri yarımfinal matçında bud nahiyyəsindən xəsarət alan 35 yaşlı futbolçunun durumu barədə rəsmi məlumat açıqlanmır. Amma Messi finala vəsiqə qazandıqları görüşdən sonra mətbuata müsahibəsində hər şeyin qaydasında olduğunu bildirib.
Xatırladaq ki, Argentina millisi DÇ-2022-nin finalında Fransa ilə qarşılaşacaq. Dekabrın 18-də keçiriləcək həlledici oyuna Bakı vaxtı ilə saat 19:00-da start veriləcək.
