Ukrayna prezidenti Volodimir Zelenskinin administrasiyası FİFA-nı tənqid edib. Corner.az xəbər verir ki, ali futbol qurumu Argentina və Fransa yığmaları arasında keçiriləcək dünya çempionatının final oyunundan əvvəl Zelenskinin video-müraciətinin yayılmasına razılıq verməyib. FİFA-nın bu qərarına Zelenskinin administrasiyası belə münasibət bildirib:
“Qətər, prezidentin təşəbbüsünü dəstəklədi, amma FİFA buna mane oldu və videomüraciətin nümayişinə icazə vermədi. Prezidentin müraciətində idman hadisəsinə siyasi rəng verən heç nə yox idi. Yəni subyektiv qiymətləndirmələr, siyasi siqnallar və ittihamlar yer almırdı”.
CNN-in yaydığı məlumatda isə qeyd edilir ki, Zelenskinin ofisi videonu FİFA-ya göndərib, lakin təşkilat onu çox siyasi hesab etdiyi üçün rədd edib.
