Argentina millisinin hücumçusu Lautaro Martines DÇ-2022-nin finalında Fransa millisi üzərində qələbədən sonra (3:3, penaltilər – 4:2) fikirlərini bölüşüb. Corner.az xəbər verir ki, o, kədərli olduğu qədər xoşbəxt olduğunu söyləyib:
“Bu, heyrətamiz nəticədir. Biz ölkəmizin tarixinə adımızı yazdırmağ bacardıq. Hazırda nələrin baş verdiyini tam dərk edə bilmirik. Şəxsən mən bir az kədərliyəm. Çünki dünya çempionatında istədiyim kimi oynaya bilmədim. Amma mən yenə də xoşbəxtəm.
Biz bir komandayıq və bu uğura birlikdə nail olmuşuq. Çox xoşbəxtəm. Komanda yoldaşlarıma, ailəmə minnətdaram. Argentina xalqı bizi gözləsin, qələbəni bir yerdə qeyd edək”.
Argentina millisi DÇ-2022-nin finalında Fransanı penaltilər seriyasında məğlub edərək (3:3, penaltilər – 4:2), tarixində üçüncü dəfə dünya çempionatının qalibi olub.
